الإهداءات



دواوين كتاب وشعراء أمراء الهمس لجمع كل كتابتكم وتحفظ الحقوق لكم


ديوان عقل العياش همسات الصحارى

لجمع كل كتابتكم وتحفظ الحقوق لكم



4 معجبون
إضافة رد
 
أدوات الموضوع انواع عرض الموضوع
قديم 14-07-30, 11:44 PM   #11


الصورة الرمزية عقل العياش
عقل العياش متواجد حالياً

بيانات اضافيه [ + ]
 رقم العضوية : 1013
 تاريخ التسجيل :  Jun 2014
 أخر زيارة : يوم أمس (02:06 PM)
 المشاركات : 4,118 [ + ]
 التقييم :  26865
 MMS ~
MMS ~
لوني المفضل : Cadetblue
افتراضي رد: ديوان عقل العياش همسات الصحارى





بذات الحشا

ياساره لك من ماضي الود منفوع
حب السهر ومراقب نجم طالع
مابالهوى عندي زريات وصدوع
ولا مشت ساره عوج المتالع
وكلام الواشين من غير مسموع
وهمس المشاعر تزمي روس الطوالع
والعتب مابين الاثنين مرفوع
والنمام عن حقده اليوم قالع
والوفا بوسط الضميرين مجموع
بذات الحشا ورواحنا والمدامع
لو الدهر يرمي على روسنا الروع
ويحذف من كيد الاثقال المقالع
الا ونرميه من صبرنا وقوع
وتسمي محبتنا فوق المطالع





 


رد مع اقتباس
قديم 14-07-30, 11:47 PM   #12


الصورة الرمزية عقل العياش
عقل العياش متواجد حالياً

بيانات اضافيه [ + ]
 رقم العضوية : 1013
 تاريخ التسجيل :  Jun 2014
 أخر زيارة : يوم أمس (02:06 PM)
 المشاركات : 4,118 [ + ]
 التقييم :  26865
 MMS ~
MMS ~
لوني المفضل : Cadetblue
افتراضي رد: ديوان عقل العياش همسات الصحارى








اوراق حلم
تيبست عروق قلبي من النزيف

وتساقطت اوراق حلمي الدافي

في الليالي البارده بليلة خريف

تذبل اوراقي في دجى ليل غافي

وتشتت افكار عقلي محاريف

والكوكب النير غشاه الغلافي

وصرخات في صدري صداها له رجيف

ويثور في جوفي بركان طافي

ضيم معه ضيم وحيف على حيف

والقلب ماشال من الهم كافي

من شر دنيا غدت بالمواليف

من عقبهم تنملي العين سافي

اللي عن علوم الرديا مناكيف

في وجيههم نور الهلا والعوافي

السانهم ماقال بالحق تحريف

ياقلب واحدهم عن الحقد صافي

من معدن نادر كريم المواصيف

غالين ولا قولي فيهم اسرافي

ما شفت حلياهم بالمدن والريف

ولا مع البدوان مخضبين الارهافي

ياعبيد يامسندي يامقري الضيف

يالاجودي ياعزوتي يالسنافي

يعزكم ربي عن ربع ملاقيف

ويكيد لمن كادكم بالهوافي






 

التعديل الأخير تم بواسطة عقل العياش ; 14-07-30 الساعة 11:50 PM

رد مع اقتباس
قديم 14-07-31, 12:06 PM   #13


الصورة الرمزية عقل العياش
عقل العياش متواجد حالياً

بيانات اضافيه [ + ]
 رقم العضوية : 1013
 تاريخ التسجيل :  Jun 2014
 أخر زيارة : يوم أمس (02:06 PM)
 المشاركات : 4,118 [ + ]
 التقييم :  26865
 MMS ~
MMS ~
لوني المفضل : Cadetblue
افتراضي رد: ديوان عقل العياش همسات الصحارى









من تكون
ياناعس العين وجفن عينك الساهي
يالعيون النجل منكن طواني جنون
لا تلوموني دهاني منهن الداهي
ماعذلني من شاف جور العيون
شربت التبغ ورشفت كاسة الشاهي
ونسيت شوي وناح الورق بشجون
وبكيت وصار فيني العقل ساهي
ذرفت الدمع من شجن قلب حنون
ام النهود عبقه بجمالها الباهي
خلقه جماله مازين وجهه دهون
القمر هذا من بدر الدجى فاهي
افرع الشعر ودعج وسود الجفون
قمرنا ان شافه عاقل الشيب تاهي
يقلب الكف صار علمه ضنون
ياحمام البر على غصن البطم لاهي
عاشق مثلي ولا من هو تكون
ان كانك مثلي جاك من الجفا واهي
وان كانك عزيز عند الغيداء تهون
اليا تثنى رود ومشيت الباهي
يشلعن القلب وبس عيونك يرون
ضعاف وهن مالهن عن الذبح ناهي
ولا عليهن ارواح البشر تمون
يا طير اسجع وانا بونتي وآهي
على الوهم نبقى وعل عسى يجون













 


رد مع اقتباس
قديم 14-07-31, 12:10 PM   #14


الصورة الرمزية عقل العياش
عقل العياش متواجد حالياً

بيانات اضافيه [ + ]
 رقم العضوية : 1013
 تاريخ التسجيل :  Jun 2014
 أخر زيارة : يوم أمس (02:06 PM)
 المشاركات : 4,118 [ + ]
 التقييم :  26865
 MMS ~
MMS ~
لوني المفضل : Cadetblue
افتراضي رد: ديوان عقل العياش همسات الصحارى








الـــــــــكــــــــــــــــل
اعشق عيون ساره وحساس الهوى طيف
وكل احاسيس العشق لطاف ما تشاف
تقطع معاليق الحشا لابشظيه اوحرف سيف
وتحرقني نار الجوى لاجمر ولا رضاف
خوص العيون غارن بكاهن براس نيف
انزفن داخل ضميري لو يروهن نشاف
لاعني ضيم الزمان معه فرقى الوليف
طول هجره ذبحني ولا عندها انصاف
قرة عيني ان رأيته رخيم وحديثه ظريف
ماله عندي وصيف يجمع زين الاوصاف

















 


رد مع اقتباس
قديم 14-08-01, 03:51 PM   #15


الصورة الرمزية عقل العياش
عقل العياش متواجد حالياً

بيانات اضافيه [ + ]
 رقم العضوية : 1013
 تاريخ التسجيل :  Jun 2014
 أخر زيارة : يوم أمس (02:06 PM)
 المشاركات : 4,118 [ + ]
 التقييم :  26865
 MMS ~
MMS ~
لوني المفضل : Cadetblue
افتراضي رد: ديوان عقل العياش همسات الصحارى









اعتاق الروح
يامنزل زين البها لقيناه خالي
من البشر حتى من الجن خالي
وين انتحوا وين حل نزلهم
ولا حي انا اسئله كود الاطلالي
وقفت على النقره ورماد نارها
بلكي يردن لي عن خليلي سؤالي
صم ولو حدثتهن بالاشارات
بكم ولا هن لمثلي تبالي
أندرت عنهن يم هوادي برزته
واسقيتهن صافي دمع هطالي
جلاميد وشعث ما يفقهن كلام عاشق
مثلهن في كنهن قلوب عذالي
تستميت الروح عند ربوع داره
انادي بعالي الصوت ليه الغضي شالي
وكيف انا اوصل حبيب روحي
حيث الدواثر مابهن حي يحتالي
جلست اراقب واقبل طيفه يلوح لي
مثل السراب يزمي ماله ضلالي
وقام يتوضح لون ثوبه والجسد
وبانت لي الغره حين زاحت الشالي
وقفت له واقترب مني وحييته
ياهلا بك ياهلا وين انت يالغالي
كيف تتركني بليا علامه يالحبيب
وانت لي الدنيا وكل منوالي
انظرت لعيني بعيون كنها المها
واسبلت دمع عقد اللؤلؤ متالي
قالت تريث لا تعاتبني ترى
لغيرك انت ما بالقلب مدخالي
اصبر عسى الله يفرج همومك
و تحضى عقب البعد قرب ووصالي
قلت انا من الصبر مره حياتي
وش حيلتي وان كان هجركم طالي
وانتي بقلبي وكيف ما تدريبه
نار تلظى بالحشا وتلالي
وعيوني ما ترقد من اليل ساعه
قل لي متى ضلام الليل ينجالي
ورحت اعزي سهيل وسهيل عاشق
وقلت الا ياسهيل وش حالك وحالي
هذي الثريا يم الشام تنتحي
وانا حبيبي عن ديارنا حالي
لا تلومني ياطيف خلي حبيبي
في بعدكم احس الروح تنشالي
ابتسم طيفه عن ثمان حلاياه لؤلؤ
يبعثن وهج وينثر سرابه بعالي
وقام يتوارى طيفه عن لحظ عيني
يسمي خياله واصبح مبعد سالي
وقفت اقول صار شيء بعقلي
حلم رأيته شوف العين يورى لي
فركت العين ماغير داثر ودارس
وسوافي تخفي من رسمها تالي
بكيت ونحت وادري ما ينفع البكا
ياكود عبره تخفف حمول ثقالي
مشيت وعيني هواها لمن وراها
لها رجى تشوف من خلانها ازوالي
وكل خطوه امشي يبي القلب رسمها
صارت رسومه برد لي ومقيالي
واذا مرني عاذل او حاسد يلومني
قالوا تعوض او دور غيره بدالي
اوميت بيدي له ولا ابغى حديثه
حتى ذلف وهو ظن بي هبالي
مادرى بعظيم حبي لساره
هي العمر والروح وكل امالي
ساره حياتي والموت دونها
ولا همني ان شفته وغطى الدم سربالي
ذكروها تشتي الحماد والحماد واسع
من دومة الجندل لين خبراء تزما لي
ومن مفرق الاردن لين وديان الرمادي
لشامية الرقه يلوح حامي الالي
ياعبيد وان لاح من الوسم بارق
على كحلا وعاده قلت البرق فالي
وياعبيد وان ضاق صدري من دنيتي
اغني الهم بصوت احزان موالي
بعدي شباب والشيب لاح بمفرقي
مدري علامي صار الحظ غربالي
حتى الرفاقه راحوا يتتالون عني
واليا انا جيت التقوا ملفاي بهمالي
وانا ثقيل الروز اليا استخفوا
ولا طعت نفس في شح امولي
يقصرون حديث المنفعه دون مسمعي
يودون العدا لين صار مختالي
صار الفلا عيد الخفوق ولذتي
واجاوب ذيبه وان عوى براس جالي
الا ياذيب صوت عواك واساني
يذيب قرب حلياك طيب الفالي
فارقت خلانك وانا فارقتهم
وهمك وهمي جاله رزيم صوالي
جاز لهم المشتى بالافياض الجميله
عساهم بخير ودياره خصب وقبالي
اليا دنوا ياذيب لك البشاير
اوهب لك عطايا الله صفوة حلالي
وحنا تخاوينا على الصفا والنقا
وماتمناه لك انت ياذيب ترجالي
فليتك تارد مع الغزلان والمها
وتشرب قراح الماء عقب الاوشالي
ياذيب ياللي ما نالت انيابك الردى
ولا قنصت من ضعيفات وهزالي
وش قولك بالايام ليا منها اقفت
غدت وقطعت جنازير وكبالي
ارتجت ضلوعه وجاوبه ونين صدري
ورد الصدى صوته من ريف وتلالي
وسمع الورق صدى مشكاي للذيب
وناحت على مهفهف الغصن ميالي
لياما طيور الجوارح له رفرفت
حتى الكواسر بالجنحان ترثى لي
وان هاجرن يم الجنوب وشلعن
حتى الهزيل حام وصار رحالي
وعادن عقب حول ثم اشتملن على الروس
يبغن ديرة ربيع وشرب ماء زلالي
كني بهن قالن مريناه من عام
خاوا ذياب الفلا بدو قفر خالي
تحمل هجير القيظ وصقعات الشتاء
ولا ذروه له غير ثياب سمالي
كتن مع كبد السما صوب الجدي
من عقب ما قطعن معلاق دلالي
صار الموت مع حياتي سويا
واشوف الموت عن الدنيا يهنالي
ولا آيست من رحمة حي ماينام
هو الكفيل في عزي واذلالي
اذا شاء انزل لقلبي السعاده
وخلا الخلايق والدنيا تزهالي
هذا تقدير العزيز فوق عرشه
علام ما ستر صدري وما قالي
يالله اطلبك تعز كريم اشتاق له
انت الكريم يامعطي ومتعالي
عبيد مازال وحيد بدنيا وجودي
اليا انا جيته يطيب منزالي
حقه عظيم ولا اقدر اوفيه حقه
طول غيابه وانقطع عنه مرسالي
ياليت عمري والزمان يجمعنا
وتفرح عيون عقب مادمعها سالي
وتقفي الايام السود مكاسير قومها
وعقب الكدر زلال العمر يصفالي
افرح بشوفه اذا جاني بمنامي
فكيفني بعيني اذا ما شفته قبالي
اليا جلس في مجلس زانه بالخلق والادب
له هيبه ومن حياة الرسل امثالي
امحب لكتاب الله وسنة نبيه
مابدل بطبعه وعن الجود مازالي
اليا ارتفعت رايات بيضى من الثنا
فله راية بيضاء براس عالي الاجبالي
والردي يوم بابه بخل يسده
ابوابه شرع ولا سد بابه اقفالي
يتلقاك بزين الهلا من محياه
وتنطحك بنت زعفران وهيل بدلالي
واجبك ابد ما كان دون واجبه
نعم الجواد بيته دوم مدهالي
يفطن عليا كل ما هب غربي
ناديت بأسمه لوهو لاحدى عيالي
انتظرت الامل وعسى حلمي يتحقق
ولا عاضني عنه عمي ولا خالي
وكلما رقيت في راس مشرف
صكت الدنيا والهموم تبرالي
فراق الاخوا قطعه معاليق مهجتي
ولا يعالج الجرح بس هو ادنالي
لاني مع الحيين بالدني مهتني
واستغفر الله ان قلت الموت اشوالي
يالله اغفر زلتي وذنب جنيته
انت العليم بما كان يجرالي
حظ الرجل اليا ثوى مافيه حيله
يركض ولا يلحق وهي احفت انعالي
امنين ما دارها وهي عنه تقفي
مثل الرحول وطب قلبه اجفالي
ولا كما طحين انتثر مع الريح
لازم المه والريح تنفض اذفالي
اليا اقبل الليل والناس تدخل بيوتها
باتوا وانا بت اسامر جمة اعلالي
ليلي كما بخيل يجمع دنانيره بالاجراب
جمعهن نكد ما ترك وزن مثقالي
كني اتقلب فوق مليلة النار
غدن ثوانيه بأغلاس الدجى طوالي
ما عاد يمشي كن شيء يشده
وراني منه شين الاعمال انكالي
بالشتاء تسمع مزامير برده
وغطى الزريق وغيوم سود ورفالي
واعصر الريح ولاح برقه واختفى
وادوى رعدها كما ضربات طبالي
وتحدرن وديان وفروع بحصاها
هدير الماء صخب له جلالي
اذا حطيت كفي قدامي ما اشوفها
حتى لمست هدبها ضيقت بالي
صرت انتظر بشاير الفجر تطلع
وليا ان سماها تجرهد نجمها انجالي
طاح الجليد وتجمدت مني الاطراف
حتى شفاتي ما قدرت تقول يالوالي
لون الشفق بعيني يبهت حماره
ما فاتني بليل جاني الصبح وكفالي
والشمس اليا تضاحى دفاها
مشى دمي وبعروق الحشا جالي
ونيت ونت فاقد وحيده وهو عود
براس الطويله الحقها نوح وعوالي
ناظرت عيني من الغرب للشرق
وتمايزتها عن يمناي وشمالي
هليت دمع مثل الجمر فوق خدي
ليتهن عطبه ارجي منه يشفالي
حشرجن في لهاتي وسكرن الانفاس
وعلى عيوني غتام كثيف يغشالي
ولا عاد اجدي بين الشعيب والجبل
وان هجيت الكاف قلت له دالي
طلبت حريتي ذوقتني الظلم والبين
ثابرت بطلبها ولا ضني تعنالي
فديت الحريه بالروح والدم والجسد
ومن دونهن يوم ما صرت مكسالي
تشوحني لبلاد الاجناب والهفا
وقلبي لديار الاهل والخلان ميالي
ابي انسهم ابي قربهم وعضدهم
ودي مغانيهم ولابودي ديره لحالي
وما ني من اللي تشوف نفسه
ولا جريت مثل البطرانين اذيالي
لكنها ما تصفي الا لذليل وخانع
وتنقادله من غير تل وحبالي
مثل الذي مانفع فيه معروف
انكر حبا راعي الجود مفضالي

وان عوسبت ماردها الجاه والمال
اقفت واعيت بكل فاطن ومحتالي
ما صاب سجين بلا ذنب صابني
وما جاء على صدره من الضيم انا جالي
ابغى العتاق ولا ني عبد للدنيا
وانعتاق الروح فيها عشاقها قلالي
صبرن صبرته على الخلان والزمن
تبكي الرجال وشابت منه اطفالي















 


رد مع اقتباس
قديم 14-08-01, 04:09 PM   #16


الصورة الرمزية عقل العياش
عقل العياش متواجد حالياً

بيانات اضافيه [ + ]
 رقم العضوية : 1013
 تاريخ التسجيل :  Jun 2014
 أخر زيارة : يوم أمس (02:06 PM)
 المشاركات : 4,118 [ + ]
 التقييم :  26865
 MMS ~
MMS ~
لوني المفضل : Cadetblue
افتراضي رد: ديوان عقل العياش همسات الصحارى




[ALIGN=CENTER]






تــحـــــفــــــــه

لو ابعدت ساره وناظري ما يشوفها

هذي جوارحي تذكر ولوفها

يحرم على العين لذة منامها

ترجي تشوف من الحبيبه طيوفها

ما اعذرتها لو ما تبكي من فراق ساعه

واعذرها لو ما غفت بلكي اشوفها

لها جفن غارق في دمع صافي

اليا تحدرن من طوارف حروفها

كنه نو بيت سال من طول ديمه

على جناب خدي او تيازر سقوفها

ظبي اليا جال في ربوع حينا

من البيض ريا من الريم هنوفها

وجه البدر اكتمل باربع عشر يوم

نور الشمس اللي ما غطاها كسوفها

وكل كوكب يزهي به زين ساره

وتزيده بفرع تدلن على كتوفها

عين الغزال والجيد جيدها

وهي احسن منه في باقي وصوفها

اليا اقلبت مالها شبيه بالكون

عبقه واليا اقفت القطا في رفوفها

مخدلجه الذرعان والساق وان مشت رود

نظره ورعبوب ومسك انوفها

على صدرها نهود تملي الكف

بصيوانها تلبس أفاضل شفوفها

بارقه رتل اصفى من البرد

او عقد لؤلؤ من افخر صنوفها
ايدينها كنهن حرير مخضبات

وعلى رخصها يزهي احمر نقوفها

ما مل من شوفها العمر كله

والند يفوح عطره من زلوفها

اشتاق لها وهي قدام عيني

ويزيد شوقي اليا لمست كفوفها

كلما دنت مني لي قلب خفاق

مثل الافراح ودقوا مزاهر دفوفها

تقابلنا وتناشدنا عن الحال

ولا تعاتبنا من ظروفي وظروفها

ولا قال بن فلان ولا النسا قالت

تركنا العيون تسولف عن شغوفها

ويمضي بنا الوقت كنه ثواني

وانا استمع لصوت الرخيم برصوفها

طبعها ذاعر حتى من امها

نوار ولا ذقت منها رشوفها

ليت الليل طال وحل عندنا

ولا الشمس بانت وضلت في كهوفها

قمنا وفز قلبي مع قلبها

وحل الفراق رغم حبي ودنوفها

وقلت انا ارجوك اشتاق شوفك

اوعدني وخلك لروحي سعوفها

كل همي بالدنيا وصلك حبيبي

وانت للروح ماها وسفوفها

ترى ان هجرتي ذبحتي برىء

ولاني بناكر من ساره معروفها

عندي تستاهل الروح واكثر

ولولا هواكم كل حياتي اعوفها

قالت اصبر تراك ذبحتني

الناس جالت ويرانا عذوفها

حساد يقولون فينا كلام باطل

يقلبون علينا من القلوب عطوفها

وسال على خدها سلك من الماء

وراحت وانا عيني يتسابق قطوفها

ورجعت وانا حالتي على غير حاله

سايح في قفرا مشارفها اطوفها

واضرب كفوفي ومرات انثني

على كبد تحرقها المحبه من رضوفها

يلومني كل من شال ليا موده

يقولون من حزنك بانت انحوفها

الدنيا الوسيعه ضاقت بعيني

من فراقها لذة شرابي حشوفها

امشي على الامل وعايش انا فيه

لو لا الامل بالله غطاني سدوفها

عل وعسى بالمقبلات تأتي

والدنيا لو مره تعطينا نصوفها

ويهل ديم في ليالي الثريا

بسح وتوكاف وسكب مهروفها

تعم على بلاد الشرق والغرب

ليا ما ارتوت وديانها مع تنوفها

والغدران مليانه ما جف ماها

ولا ارجنت دغلوبها صافي صحوفها

يعط شيحها وقيصومها وجعدتها

والكما يضهر من القراره وحفوفها

نواويرها تخالطن من كل لون

اليا نفنف الغربي يطيب نفوفها

من كل عود بفياضها وهضابها

ترتع فيهاالاريام وخشوفها

في ربوعها الطرش لا عجعج ولا جال

تلعب بها حيرانها مع خاروفها

يحل فيها بدو على القلب غالين

اجواد خذوا من الكرامه سنوفها

يقرون عين الضيف والمستجير فيهم

ولا شال عندهم من الهموم كلوفها


مصابيحهم خير تسمع ضبيح نجرهم

وصفربها الهيل ينعش شفوفها

مجالس خرس عن الغيبه والخنا

ا ليا اجتمع غلمانهم مع شروفها

ما شالو ضغينه على ابن العم والخال

ولا دلبحوا لذي مال ولا عابوا ضعوفها

ياعسى ايامهم ربيع ولا جاهم القيض

ولا هبت سموم سريع حرجوفها

يعتمر طرشهم طعوس من الدهن

والجل تضحى ما جلدها موسوفها

معهم الجازي وجه التباشير والخير

ضيا ونوروخده ثلج وندوفها

رجراجة املود غيده وبضه

ممشوقة خمص البطن شرسوفها

قرة عيون عاشق عايف النوم

الذي راحت لها روحي زفزوفها

خفرة فيها فكري دوم شغال

اذهلتني ومنها عقلي مجلوفها

ياعبيد ليت التماني تحقق

كان ما مرت سنين حبه بعجوفها

او أني ملكت اللي تملك فؤادي

تحفه تحوف بيتي واحوفها



[/ALIGN]


 

التعديل الأخير تم بواسطة عقل العياش ; 14-08-01 الساعة 05:55 PM

رد مع اقتباس
قديم 14-08-01, 06:05 PM   #17


الصورة الرمزية عقل العياش
عقل العياش متواجد حالياً

بيانات اضافيه [ + ]
 رقم العضوية : 1013
 تاريخ التسجيل :  Jun 2014
 أخر زيارة : يوم أمس (02:06 PM)
 المشاركات : 4,118 [ + ]
 التقييم :  26865
 MMS ~
MMS ~
لوني المفضل : Cadetblue
افتراضي رد: ديوان عقل العياش همسات الصحارى











````

````

طال الليل ولا بشر صباحه
ولا عرفت غدوه من رواحــه
كنه حل نزيل علينــــــــــــا
حزين ولا رمى اسود وشاحه
متلثم عابس غارت نجومـه
لقا في مسكنه عندي رياحــه
مقيم ما عنده نيت رحيل
ثوى وانا انتظر عني انتياحه
او كنه زمل برك من ثقل حمله
وصار عاجز شل وكساحه
وقام يلملم لي ذواهب همومي
وهواجس فيها مولود ولقاحه
وصرت انتظر الخيط الابيض
او عل الطير يغرد في صباحه
ليت الليل اعفاني وتشيم
او حتى ترك عن الضيقه مساحه
طعني في حشايا الف طعنه
سلاحه سهم وسيوف ورماحه
خلاني رثةٍ او ثوب بالي
مثل الشعث تلعب به ارواحه

من اسباب الحبيب اللي جفاني
قضيت الليل بونين ونياحـــه
عويل العاشق الصب المولع
فقد غزال باهي في الملاحه
وفيها دايم هوجاس فكري
نساني الانس وبسطه وانشراحه
كلما حاولت اثني القلب عنه
يذكري بجمالــه وامتداحــــه
يقول اذكر عبقه في صباها
بارق الثغر شموع بمزاحــــه
قلت ليـــه قاسي في عذابه
وهذا الجوف يشكي من جراحه
خلا حياتي مثل الليل هذا
اغلس داجي مطبق في كلاحه
وكنت ارجي يظهر البدر ساعه
احيا بضياها ووفاها والسماحه
اليا جيت يمه ســد بابه
بخيل ما عطى طبعه شحاحه
يجيني الهم سريع مكره
نزل صدري ولا اقوى زياحـه
جثم واون ونات الضعوفا
وعيوني من البكا سكب ورشاحه

لذيذ الزاد مر وصبر علقـم
صافي الماء هماج قراحـــــــــه
غدى جسمي منه جذع خاوي
ضلوعي ضاهره انحاف محاحه
تركني بدارس اكلم خياله
بمفازه خاليه جوه نضاحـــــــه
ولا لي حيله في وصل خلي
وانا كالطير مكسور جناحــــــــه
الشيب حل نهار بطرف ليل
وان حل الشيب من يخفي وضاحه
راح العمر واطرد سراب وصله
وافراح العمر ما تعادل اتراحــــه
وملامات تجي من بعض العواذل
قالوا وشفيك تبكي في مراحـــــــه
وشعث حالي تشمت الحسيد فيني
وضمير العاطل يفرح في نجاحه
وما همني وش تقول الناس عني
اترك الكلب هريره مع نباحـــه
ان بغى الترف يرحم فيه مغرم
وراد لحاسده يكبح جماحــــــــــه
ساعة بالوصل اكحل عيونــــــي
ففيه ومنه لخفوقي صلاحــــــــــه













 


رد مع اقتباس
قديم 14-08-01, 06:21 PM   #18


الصورة الرمزية عقل العياش
عقل العياش متواجد حالياً

بيانات اضافيه [ + ]
 رقم العضوية : 1013
 تاريخ التسجيل :  Jun 2014
 أخر زيارة : يوم أمس (02:06 PM)
 المشاركات : 4,118 [ + ]
 التقييم :  26865
 MMS ~
MMS ~
لوني المفضل : Cadetblue
افتراضي رد: ديوان عقل العياش همسات الصحارى















يقول بن عياش ابكاني الحمام وطار
ينوح فوق الغصن رجع لي لهم طاري
هيض بجوفي نار بركان قديم وثار
يكمن في خفى روحي دسيته مع اسراري
انا لولا عيون ساره ما اسكب دمع مدرار
ولا مشيت بالقفرا هاجر لأجلها داري
وانا في حبها صابر وعلقم ذايقه وامرار
ونا لاجلها ساهر وعن غيره فلا داري
الا يازمن اقفى ليته يمنا يندار
وترجع حلوات الايام يوم كنا صغاري
ياعبيد انا ولفي جزاني بالصدر منشار
هجرني وفرى جوفي ورماني وسط اعصاري
لاح الشيب في راسي وضاح صاحت الانذار
قرب موتي على عمري ذبيح بكف جزاري
ليتك عمري ياساره حذره والوشاة كثار
فلا تطيعين حسيدي وعاذل غريب الاطواري
لو ابعدوني عنك او الموت الثاني اختار
لان حياتي بدونك جهنم ريحها ناري
انا خوفي تناسيني وغرامي فيك والاذكار
دخيلك ياصبا روحي تجنبني الاخطاري

ابي احتمل حبك ولا بحبك شيل اوزار
وانا صابر على الفرقى لوتذبل منك ازهاري
انا لولاك ما ادري الحب ولا سائل بها وش صار
ولا راقبت نجم الليل ولا سريت مع الساري
اذا قالوا عقل عاشق غريرو مخطي الافكار
فانا اقول ياربعي بها ما ينوخذ ثاري


















 


رد مع اقتباس
قديم 14-08-01, 06:27 PM   #19


الصورة الرمزية عقل العياش
عقل العياش متواجد حالياً

بيانات اضافيه [ + ]
 رقم العضوية : 1013
 تاريخ التسجيل :  Jun 2014
 أخر زيارة : يوم أمس (02:06 PM)
 المشاركات : 4,118 [ + ]
 التقييم :  26865
 MMS ~
MMS ~
لوني المفضل : Cadetblue
افتراضي رد: ديوان عقل العياش همسات الصحارى















البارحه ساهرت انا بليل ذكراه

وهواجسي يم خلي سرتبي

سرت وعسى الخافق يطيب مفلاه

ويجلي صدى حرمان وقت لعبي

لشرقي النهيدين متسارعه اخطاه

وداني على مشرف منازيل حبي

ابكتني اطلال داره ومغناه

ودموعي من موق عيني تصبي

من اللي عزف بلحان جرحي وغناه

نوحت مع الورق ماهو طرب بي

جريت وناتي وتراديدها آه

وعويت كما الذيب ولا من يلبي

من خفوق نار الافراق تصلاه

ووصل الحبيب ترياق روحي وطبي

ان كان نسي الثرى الغيم ما انساه

وشلون انسى قاطع عروق لبي

واقلبي لمن حلل الدم اغـلاه

واغلا حبيب نار الاشواق شبي

حبه بحر وقلبي فلك عند مرساه

ابغى المواني قبل اعصاره يهبي

وان ما تناول غريق حبه بيمناه

اقفابي امواج الزمن وانتحى بي

ويارجعت الروح عودي لملقاه

ويانفس من بحر الاشواق غبي










 

التعديل الأخير تم بواسطة عقل العياش ; 14-08-01 الساعة 06:42 PM

رد مع اقتباس
قديم 14-08-01, 06:57 PM   #20


الصورة الرمزية عقل العياش
عقل العياش متواجد حالياً

بيانات اضافيه [ + ]
 رقم العضوية : 1013
 تاريخ التسجيل :  Jun 2014
 أخر زيارة : يوم أمس (02:06 PM)
 المشاركات : 4,118 [ + ]
 التقييم :  26865
 MMS ~
MMS ~
لوني المفضل : Cadetblue
افتراضي رد: ديوان عقل العياش همسات الصحارى










ياعبيد ياراعي العلوم الحميده

في وصف طيبك قاصرات القصايد
دعيت ربي من الوهايـب يزيده
ويسقي ثرى داره مزن عوايد
هات القلم واكتب على ما اريده
اكتب وسطر من جوفي النشايد
خط لي من بين الحنايا قصيده
ابى اشكيه ظبي ساهي الجفن نايد
اشوفها تنسى وحياته سعيده
وانا يامسندي حياتي زهايد
ليت الحشا وناظري ما يريده
وياليت دمعي ما انسكب عند بايد
لكن قلبي له يدوي رعيده
يطلبه لو حالت دونه شدايد
الجفا عند الترف صاير عقيده
والهجر يجني منه قل الفوايد






 


رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ديوان عقل العياش همس الخواطر عقل العياش دواوين كتاب وشعراء أمراء الهمس 265 17-03-04 04:08 PM
إعتذار أخير ,, لـ عقل العياش " مونتاجي البسيط " أفنان يوتيوب القسم الادبي خاص باعمال الاعضاء 16 16-02-01 09:13 PM
قراءة انطباعية لنص ( هذيان الرسائل ) للشاعر عقل العياش فاضل الحلو أول المطر 28 14-12-31 07:05 AM
» عقل العياش • , وألفية متميزهـ بجمآل حضوره.. ألف مبروك النادر حبور التهاني و المواساه 8 14-10-16 04:21 PM
همسات لمن ملك ملاك الاحساس بوح الوتين 18 13-10-21 07:15 AM


الساعة الآن 02:17 PM


Powered by vBulletin® Copyright ©2000 - 2017, Jelsoft Enterprises Ltd. D3m-fny
هذا الموقع يتسخدم منتجات Weblanca.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2017 DragonByte Technologies Ltd.

a.d - i.s.s.w

vEhdaa 1.1 by NLP ©2009