ننتظر تسجيلك هـنـا

 

 

         :: صباح الخير وكل الخير ، يهدي لكـ صباحاته ( الكاتب : خواطر عاشق )       :: أُحِبُّكَ رَغْم حَاجَتِي لِلَأْلَم ( الكاتب : خواطر عاشق )       :: $$مساء الخير بعيونك ولعيونك مساء الخير$$ ( الكاتب : خواطر عاشق )       :: الى متى وانا انتظر حين لقياك ( الكاتب : خواطر عاشق )       :: ممكن ترحبون فيني ( الكاتب : خواطر عاشق )       :: حيوان الفكونة ( الكاتب : الملكة )       :: تعرف على التنين كومودو وما هى اهم صفاته Varanus komodoensis ( الكاتب : الملكة )       :: من 1 ل 4 لبس التاج لمن تريد ( الكاتب : الملكة )       :: تخيــــــــل العضو اللي قبلك زعلان كيف تراضيه؟ ( الكاتب : الملكة )       :: مين تاخد معك للقمر عند الرقم 5 ( الكاتب : الملكة )      

 


الإهداءات


العودة   منتديات أمراء الهمس > كفوف الغيم وأساطير مخلده بالفرح > دواوين كتاب وشعراء أمراء الهمس

دواوين كتاب وشعراء أمراء الهمس لجمع كل كتابتكم وتحفظ الحقوق لكم


ديوان عازف الناى كامل جاهز للطبع تحيه منى للمنتدى

لجمع كل كتابتكم وتحفظ الحقوق لكم



إضافة رد
  انشر الموضوع
قديم 16-02-19, 12:08 AM   #1


الصورة الرمزية الشاعر عبد الناصر رجب
الشاعر عبد الناصر رجب غير متواجد حالياً

بيانات اضافيه [ + ]
 رقم العضوية : 453
 تاريخ التسجيل :  Sep 2013
 أخر زيارة : 16-09-12 (10:50 PM)
 المشاركات : 41 [ + ]
 التقييم :  1652
 الدولهـ
Egypt
 الجنس ~
Male
لوني المفضل : Aqua
Ico ديوان عازف الناى كامل جاهز للطبع تحيه منى للمنتدى




ديوان عازف الناى


ومن يومها

ومن يوم ما سابت قلبى

على شط الهوى هيمان

ومش حاسس انا بروحى

أنا الغرقان أنا التعبان


أجدّف الضلوع تصرخ

ألملم فى الجراح تشرخ

أداوى جراحى بجراحى

عشان أوصل لبر أمان

----


ومن يوم ما قالت لى بحبك

انت وبس ما تسيبنيش

مرارة الوحده قتلتنى

دى قاسيه عليا نفسى أعيش

أعاتب فى الدموع تعند

وأقرب من الفرح يبعد


واكلم نفسى عن نفسى

واطمن قلبى بكره يبان










هبطل كدب

هبطل كدب واقول بكره

عشان عمرى انا ما كرهت

وابطل عشق انا ف غربة

حبيبى اسكن كمان اشتقت

اكون حضنك وانا حضنى

لغيرك مين انا ما قدرت

أعيش بعدك وانا فرحان

ولا ف حيرتى انا ارتحت

هبطل ظلم انا لنفسى

انا نفسى اكون وياك

يضيع عمرى ولا يضيع منى


لو لحظه أكون وياك


يا حب العمر فين إنتا

عشان أوصل وأترجاك

أبطل كدب

















حلم الفقراء

بندوّر على قشه تشيلنا

وبنهرب من خرم الإبره

عارفين لا القشّه تنجّينا

ولا خرم الإبره يكون ثغره

عايشين على أمل إننا نصحى

ونعيش بنى آدم لو مره

-----
أحبال الصوت صبحت أشواك

وف حلقى مش قادر أصرخ

رجلينا من كتر النهضه

غرقانه ف دمى ومش بصرخ

مسكينه الحافيه ماهش لاقيه

ولا حتى بياده تكون مطرح

على فين واخدانا يا بلديه

ومقشه بتكنش أحلامنا

تطهير تنضيف طب فين هيّه

عمّاله بتسرح بخيالنا

بحكومه تروح وحكومه تيجى

ولا حدّش حاسس بعيالنا


ياحرام ماتحرّم تشاغلنا

مش إحنا اللى نبيع دنيتنا

إنما صعبان نرسم فرحه

وسيادتك تفرح فى خيبتنا

هنعيش غصبن عن عين أمك

ولا مره تدخل لحارتنا



بطمن روحى

وبطمّن روحى ان انا عايش
جوّايا ساكنه ف شرايينى
والقلب يدق أخاف تقلق
واغرق من تانى ف براكينى
إعمل معروف إهدا شويه
لا تغيّر نكهة فناجينى
أو تهمس قلبك مدايقنى
وتزوّد شوقى وحنينى
طب أعمل إيه ..

وأرد عليها بس بإيه

ونا حضنى ....حاسس مش حضنى

محاوطها ... وليها بياخدنى

واطمن روحى

---
وبطمن نفسى إنها فاكره

وبتسهر زييى كمان بالظبط

لما اهمس بينى وبين نفسى

بترد عليا بنفس الخط

وارسمها سفينه فى بحر عيونى

ألقاها ترسم مليون شط

وافرش لها قلبى تعدّى عليه

طب أعمل إيه ..

وأرد عليها بس بإيه

ونا حضنى ....حاسس مش حضنى

محاوطها ... وليها بياخدنى

واطمن روحى







بائعة الحزن

مين يشترى حبة هموم

أو يشتهى همس الجراح

أو يبتدى ينطق بصرخه

أو يزرع الشوك فى البراح

مين بس مين يقدر يعيش

ويسيب رصيده غير متاح


كل الهموم مترتّبه

حتى الجراح تشبه أنا

مش عارفه ليه كل اما أفرح

القى السنين عنوان سنه

ومفيش أمل يرفع شراع

ولا فى طموح يجرى لهنا

ياسوسنه أنا مين قوليلى

إمته الحبيب يرجع لنا

ماتدمّعيش ياعين كفايه

يللا افصلى غرقت سفينتى

مين يبنى عش ملان محبه

وانا أوهبه عمرى ومدينتى

ياحكايه إمته هتنتهى

مين هسمعه بيقول حبيبتى















بتتألم ؟

بتتألم ؟ما تتألم"

بتتعذب ؟ خلاص سلّم

ده ياما كتير جراح صرخت

ملاقتشى اللى بيلملم

بتتوجّع ؟ لمين هارجع

وتتوسّل ؟

راح أتمنّع
عشان خاطر اللى كان بينا

هسيب لك ذكرى تتعلّم

على خدك ؟

على ودّك
على دمعى اللى كان ردك

ماتستسلمش دلوقتى

عشان خاطرى أنا اتكلم

ساعات بتحس بالغربه ؟

أنا اتربيت فى حواريها

بتشتاقنى أكون صاحبه ؟

أنا أتغيرت بعديها

لقيت انك ما تعرفنيش

غير أما تعيش فى ضواحيها

بتتألم ؟

أنا أكتر

وتتعذب ؟

أكيد تخسر
ما ترحمنى كفايه خداع

لاعمرى تانى هأتأثر

كلامك مش جديد عارفاه

ولا رأيى هيتغيّر

روح إتألّم
















البنت بتاعتى




البت بتاعتى ام فيونكه

سهرانه ف سيرتى و بتقول ايه ؟

بتقول دباديبى المجنونه

غرقانه وعاشقه ف بحر عنيه

الغيره بتقصد تحرقها

والكلمه الحلوه بتسبقها

وان حست مره بأحزانى

بتقوم على طول وتفرّقها

إزاى بتغير من دباديبى

وانا قلبى عليا مصدقها








إحلف يمين

فاكرين ياولاد؟؟

فاكرين فاكرين""

كان قاصده إيه يحلف يمين

من إمته كان الدم أرخص

والديب بنشهد له ب أمين

يامضيعين الثوره فوقوا

مبقاش زمان الطيبين

طب ميت يمين على اليمين

إنى كلابكوا الصعرانين

هيشوفوا يوم ماطلعش شمسه

ولا شاف غروبه مؤيدين



يامركّعين ومسجّدين

ومقوّمين ومقعّدين

أصل المناصب ديه لعبه

يفهم أصولها الصيادين

يامطبخين فى قضايا زور

ومضيعين المحرومين

ومشجّعين أراجوز وطور

مش همّه دمع الشقيانين

وملجمين كل اللى فوّض

آل إيه مصالح فى اليمين

وشمالكوا أصبح له شمال

ولا شوفنا منكم غير آمين

بكره الحمار يركب جنابه

ويسوقه عهد الظالمين

إحلف يمين انك فى يوم

ما قتلت راكع أو سجين

إحلف يمين وانا ليك أصدق

إنك ماتعرف رقاصين

إحلف يمين إنك حقيقى

إنسان وعرقك ع الجبين

بس المهم تكون لى صادق

وانا أسمعك صرخة سجين

إحلف يمين


شايف سعاد قتلوها فين

شايف ياسين طالب فى جامعه

وان العجيبه الشعب تيّس

ناسى اللى كان يومها فى رابعه

والنهضه والميدان بيصرخ

أولادى بين ساجد وراكعه

وكلامهم الشرع الحكيم

ودموعى بجمعها فى دمعه


















أنين الصمت

كل اللغات علّمتها

إلا لغة صمتى أنا

كل العيون تبكى بدموع

ونا دمعتى صخر وعنا

حتى الفرح فاتحه له بابى

ولا جاش ودق الأمكنه

مفضلش غير صوتى وأنينى

فضّلت أحكى أنا لأنا

صمتى أنا



بغزل طموحى من ضلوعى

واوصل وريدى بذكريات

واضحك لنظراتى اللى تايهه

بين إنى عايشه أو إنى مات

م الصعب تنزل دمعتى

ويشوفها غيرى من سكات

بقفل عليها مخدتى

وارحل لصمتى

صمتى أنا










حبة حروف

ردك غريب فى الأسئله

وكمان بليد فى الإمتحان

كل المقرر صفحتين

إنت وأنا مين اللى خان

أما أنا مذاكره القواعد

حبة حروف متلخبطه

فيها العواطف كلمتين

فيها إنى عايشه محبطه

أول دروس الملزمه

عايشه بخيالى مفرطه

كل المراكز خدتها

مقبول وجيد وامتياز

إنجازى طيارتى الورق

كسرتها نقطة الإرتكاز


يرجع سؤالى لحضرتك

مين كان بيمسح دمعتك

ونا دمعتى ف عينك بشوفها

مش عارفه ليه كل أما أشوفنى

ألقانى شمس ساعة كسوفها

تحرق رصيدها فى الحياه

ولا حد بيحن لظروفها

نسيوا دفاها فى الشتا

مين افتكر ينشد حروفها

كل المراكز خدتها

مقبول وجيد وامتياز

إنجازى طيارتى الورق

كسرتها نقطة الإرتكاز



















سابقت الريح

سابقت الريح وعديتها

وشلت جبال وهديتها

عشان ترضى وتسمعنى

وتمشى وقلبى يوجعنى

ولما تشوفنى متلهّف

ترد تقول وإيه يعنى

كتير عدوا البحور ليا

ولا اتحرك سكون فيا

يا شوق إوصلها كلّمها

خلاص أحزانى أنا نسيتها

سابقت الريح وعديتها


وتعمل نفسها عادى

ولا مريت على الخاطر

وعارف إنها دايبه

وقلبى يقول لها حاضر

وموج البحر عاتبته

ده ليه بتخبى مشاعرها

ولما عيونها تفضحها

تخبيها ما بين إيدها

وتجرى بسرعه على بابها

انا الدرويش لأعتابها

يا شوق إوصلها كلّمها

خلاص أحزانى أنا نسيتها

سابقت الريح وعديتها


أروّح بيتنا ألاقيها

على الجدران تنادينى

كفايه حرام ما تتعبنيش

ده سر ما بين أنا وبينى

ده لو تعرف بحب إزاى

هتهرب منّى تلاقينى

أنا بحرك وانا برك

انا المشتاقه بحنينى

ومش مغروره صدقنى

دى حالة عشق بتحيينى








عازف الناى

بفرّق كل يوم ضحكه

على الرايح وع اللى جاى

وأفرش حلمى ع السكه

يشوفه الحزن يعزف ناى

وانا جوايا مات الفرح

وساكن جرح مفيش إزاى

عشان طيب فى زمن الغدر

وربى ساترها لسه معاى

أنا حريتى كفايه

ولو إنى اللى بعزف ناى

---

مليش ناصر غير اللى خلقنى

بقلب أبيض يساع الكل

وحلمى بغزله براحتى

ولا يعرف طريقه الذل

ولا مليت أنا منه

ولا منّى هرب واختل

عشان ربى أنا قاللى

ميزانى العدل فوق الكل

---

راح اصبر يمكن أوصل يوم

ولو أترك لإبنى دليل

وشمعه صنعتها بجلدى

تنوّر ليه ظلام الليل

وليه أزعل محاولشى

أكيد بكره هيطرح جيل

يحقق كل آمالنا

ويرجع لينا حضن النيل














أمى وحشتينى


يمر العيد وراه أعياد

ونا عيدك ما شفتش زى

يقيدوا شموع وانا دموعى

على فراقك بتنزل أى

على خدودى ومش هقدر

يا أمى غيرك ألقى زى

وحشتينى

بنام واصحى على صوتك

عشان خاطرى تدلينى

أعيش إزاى أنا براحتى

وفين راحتى تودينى

على حضن انكسر جوايا

وضلع يدوب بيحمينى

وحشتينى

يا أمى الدنيا بتضيق بى

وسايقه عليا عشاقها

وعارف إنها زايله

وضحكتى لسه بسرقها

قوليلى إزاى أنا أضحك

وما اتعلقش بحبالها

وحشتينى







كل يوم


كل يوم ترمى السلام

وهيه رايحه وهيه جايه

نفسها نرجع أوام

ناسيه ليه إنى الضحيه

وانى ياما سهرت ليها

واشتهيت لمسة إيديها

كنت بعشق نور عنيها

وهيه بتزيد فى الخصام

---

عاوزه نرجع طب قوليلى

يللا جاوبى وطمنينى

يا ترى فاكرانى لسه

وللا قصدك تقتلينى

ياللى فاكرانى انتهيت

أو نسيتى ازاى بقيت

شخص تانى مش عارفنى

لو عرفته ابقى انتهيت

----

رجّعى النبض لوريدى

وغيّرى الساعه لزمااااااااااان

والمكان اللى اتقابلنا

وقولنا فيه أحلى الكلام

لو بإيدك اشتريه

وللا اقول لك بدّليه

بس صعب الحب يكبر

وهوه حضنه مش لاقيه























مسافة السكه


مسافة السكه أوصل لك

أحقق ليا أجمل حلم

وأتصور أنا جنبك

وحاضنه إيدى أجمل بنت

ونمشى ساعات ما بنحسش

مسافة السكه بتعلم

برافوا عليكى دى اللعبه

بتمشى وقلبى يتألم

بلاش أحلم أقولهالك

مسافة السكه كانت وهم

---

مسافة السكه أنا جايلك

أغنى لك حكاوى زمان

هنبدأها بأول حضن

لإيدينا اللى لمّتنا

ومن أشواقنا نغزل جسر

أتارى البحر غرّقنا

منين تانى هنبدأ ها

مسافة السكه تجمعنا

---

مسافة السكه هنساكى

ومش فاكرانى دى السكه

لا دمع العين بقى ينفع

وتاهت مننا الضحكه

أكيد ده نصيب ومكتوب لى

أعيش وحدانى فى الخنقه


















آخر قرار

ولإنى مش بصعب عليك

ولا دمعتى هترجعك

ولإنى حالفه أغيّر طريقى

كان صعب جدا أسمعك

أقصر طريق لكسر حزنى

إنك تشوفنى وأمنعك

---

لو كان على دمعى وآهاتى

متخافشى هبدأ من جديد

واغسل همومى بكف إيدى

وانصحها ترحل للبعيد

الدرس كان قاسى وبرافوا

خلانى مخلوقه حديد

---

إفرض أنا كنت انتحرت

وخسرت دينى ودنيتى

أو جيت على نفسى وخاطرت

ولا عمرى ده أمنيّتى

صدقنى لسه مؤمنه

عايشه لدينى وأخرتى












إعدام بريىء

يا بدلة الإعدام يا بختك

راح يلبسوكى الطيبين

هيعطروكى بمسكهم

ويلبسوكى توب الحنين

ويسكنوكى أجمل ميدان

مين فى الميدان ملهوش عينين

ويشوف قضاءنا المفتخر

ويشوف عدالة الظالمين

إفراج لسجن المنتزه

إعدام لناسنا الطيبين

---

يا بدلة الإعدام خانوكى

وكتّفوا فيكى البريىء

لو ينطق الخيط اللى غازلك

كان صرخته تنطق غريىء

بس بصراحه حقك لوحدك

هتحددى مليون طريق

وتغيّرى أحمر خدودك

أبيض بلون قلبه الرقيق

يا تبلّغيه منى السلام

يا توصّليه أقصر طريق









أنا الدرويش

أنا الدرويش على شط ال

وفاء باقى ومستنى

أعيش الفرحه لو مره

أقرّب تانى من حضنى

ياحضن بعيد خلاص مبقاش

رحاية الحزن بتقتلنى

--

أنا الشقيان ذئاب الليل

بتاكل قوتى وانا ساكت

وصوتى كمّموه خنقوه

وبعد براح أهى ضاقت

أكيد الحلم ناقصه نبض

وليه شمس النهار غابت

---

أنا الدرويش فى مولد ستّنا حواء وبتغزّل

عيونها الحره شاغلانى وتوبى كفنوه فى الذل

أمانه يا مصر دلّينى بلاش تكفينى فين الحل









تعظيم سلام

تعظيم سلام وبدون كلام

إرفع شعار مستسلمين

ياكلمة الحق اللى واقفه

فى حلق ناسنا الطيبين

هدّى الرنين مش شايفه ليه

إن احنا فوق جبل العجين

ولا حد حاسس ضعفنا

متقوللى مين ملهوش عنين

ويشوف فلسطين اللى واقفه

وشعبها مستأسدين

تعظيم سلام

تعظيم سلام ياحلم فارق

سكّته وسط الزحام

تعظيم سلام ياشعب ماتت

نخوته من غير كلام

شفنا العرايا مطبّلين

شفنا السكارى واللئام

وبيحكموا فينا بمطارق

وبيسرقوا منا الوئام

تعظيم سلام

مليون سلام ياغزه وانتى

بتحرقى علم الصهاينه

حقك علينا ما تزعليش

مين قال على الحكام بطاينه

قومى اركبى أجمل خيولك

قومى اغزلى فستان بثينه

إوعى تقوليلى الحزن كسرك

أنا أوعدك ماتكونى هاينه























جتنى سيرتك

جتنى سيرتك قمت أجرى

أفتح الفيس بوك وأكتب

ع الشعور اللى محاوطنى

والغناوى اللى بتطرب

والخطاوى اللى مشيناها

كلها جابت فى سيرتك

جتنى سيرتك

الساعات بتمر بينا

واحنا مش حاسين بروحنا

كنت انا العاشقه " ده ممكن

بس فين هتطيب جراحنا

وانت عارف كبريائى

خايفه إنى أعيش طموحنا

جتنى سيرتك

شايفه لهفه جوّه منّى

واشتياقى أكون معاك

لسه عايشه ف حضن دافى

يوم ما كنت معاك هناك

ياما نفسى أقول بحبك

بس خايفه تكون هلاك

جتنى سيرتك

جبت سيرتك بين صحابى

إبتديت أفتح كتابى

واعترف لك باللى فيا

والحنين بيدق بابى

كل مااقفلها بستاير

بتنادينى الرد جيت لك

جتنى سيرتك














لإمته نعيش

لإمته نعيش على أحلام

ونفسى حقيقه ألمسها

ويصحى الشوق على أوهام

بتجرح كل ماالمسها

لإمته هكون طرف تالت

وزهره ف أرض أغرسها

عشان حبيبين يكونو لبعض

وانا المجروحه مش حاسه

----


لإمته هكون شموع بتدوب

لكل العاشقين فرحه

ومش شايفين ضلوع بتدوب

وماتئنّش ولا بصرخه

وإمته ياحزن تفارقنى

وما تلومنيش لفين رايحه

----

وإمته ياعين تشوفى النور

وقلب إتمنّى يوم يضحك

أخطّى الخطوه مش حاسه

ومن همّى أنا بضحك

عشان مش شايفه غير نفسى

أنا لوحدى ومش بضحك

----

يادنيا بتكسرى نفسى

وزارعه ف أرضى كل الشوك

عملت عبيطه عن نفسى

وقلت اعشق أحب بشوق

قلوب المرمر اتكسرت

وفاضل فيها صوت مخنوق















مخنوقه بجد

شايفاك مش حاسس بعواطفى

وبتعرف فين نقطة ضعفى

وتتكا عليها

ولا همّك تعرف مخنوقه

وبتهرب منّى لمخلوقه

مش حاسّه انا بيها


مخنووووووووقه بجد

ماشيين بالعكس انا وللا انتا

وفايتنى لوحدى بقول إمته

هتحن وتيجى

وترجّع حلمى اللى اشتاق لك

وتقرب منّى وأستاهلك

وتكون لى نصيبى

مخنووووووقه بجد


مشتاقه لحضنك دفّينى

صدقنى ف بعدك بلاقينى

مشتاقه بجد

أسمع نبضاتك تحيينى

واسمع همساتك تكفينى

ماتقول وترد

مخنوقه بجد

عطشانه ف بحرك إسقينى

الدنيا القاسيه بترمينى

من غيرك صعب

أرتاح وعواصف تكسرنى

وعذابى ف بعدك دمّرنى

مخنوووووووقه بجد


























مرايتى

الشعر شاب منّى

وخصوله شايله الحزن

والدمع يغسل جبينى

وضفايرى ليه بالحضن

ولسانى يصرخ حرام

ليه عايشه جوه السجن

يامرايه يللا اضحكى

ليه واخده على خاطرك

زعلانه على حزنى

وللا عشان خاطرك

ماتجربى تكذبى

وتقولى بفتكرك

يللا اوهمينى الثقه

أو كسّرى مرايتك

مش عاوزه اشوف نفسى

ولا دمعه من عينى

ولا ماضى يندهنى

ولا جرح يكوينى

يامرايه قومى وسيبينى

عينى على عينى

أرجع أنا لنفسى

أشوف جرالى إيه

ليه دنيا فيها البشر

قاسيه بتجرح ليه

أحلامى تصبح سراب

ولوحدى أعمل إيه
















ياضحكه ليه

ياضحكه ليه مخاصمه الشفايف

يادمعه ليه مصاحبه الخدود

يادنيا ليه ماشيه المخالف

والحزن عدّى عن الحدود

حلمى الصغيّر لسّه بيحبى

على إنه يوصل له ردود

يادموعى إمته هتستحى

وتنوّر الضحكه الوجود

---

عشمانه أعدى بمحنتى

أبنى لى عش يدوب صغيّر

ويكون جليسى ف وحدتى

واحلم بأركانه وأغيّر

أنسج قماش لمخدتى

أشكيلها تسمعنى وتعبّر

وتقوللى ياااااااه حضنك دفا

خدك جميل أنا مش بهزر

---

يامخدتى حضنك يساعنى

ملّيت أنا عمّال أدوّر

على إيد تمد الجسر ليّا

وتحقق الحلم الصغيّر

وان كان عليكى ياما خدودك

هتنام عليها قلوب وتسكر

أما أنا لسّه عيونى

على حبيبى تفضل تدوّر

---

أمال حبيبى قصده إيه

غير إنى أسهر له وأفكر

إمته حبيبى إمته أشوفه

ويحقق الحلم اللى سكّر

خليكى يامخده سريرى

بكره الغصون تصحى وتزهّر

لسّه الأمل فارد شراعه

لسّه حبيبى عليه بدوّ

يانضّاره

يانضاره إزازها فاميه

وعسليه بدراع بنّور

وفاكره إنى مش شايف

عيون غرقانه جوّه بحور

بتضحك لما بتشوفنى

وتشكى من إزاز مكسور

يانضاره بلاش قسوه

وسيبيهالى تعيش فى النور

----

عيونها من ورا الشبابيك

بتحكى فى الغرام حكايات

عن اللى حب ولا طالشى

غير انه سجين ورا العدسات

يانضاره دموعها الماس

بتنزل على الخدود لساعات

ونفسى بإيدى أمسحها

وتحلم تانى باشتياقات

----

يانضاره بلاش تنسى

لولاها ماكنتى نضاره

ولا كان ليكى أى مكان

ولا خطّوكى بمهاره

عشانها إنتى رسموكى

لوصف عيونها للماره

أميرة الحسن يامرمر

وكان السجن نضاره



الشاعرعبد الناصر رجب كامل

عضو اتحاد كتاب مصر 2013 • 21 يناير، 2013 إلى الوقت الحالي

ولد فى محافظه القليوبيه سنة 1971




إصداراتى
الأول طعم الأيام
الثانى حبيبتى يامصر
الثالث علشانك
الرابع همس الجراح
الخامس لمسة حب
السادس عيون ناصر
السابع همس الملائكه


]d,hk uh.t hgkhn ;hlg [hi. gg'fu jpdi lkn gglkj]n



 
 توقيع :
بشوف فى عنيكى أحلامى وبسرح وانتى أدامى

ومجنون ليلى مشتاق لك تطارحى غرامى وهيامى

عشان الجنه اكملها لازم أخدك لأحضانى

التعديل الأخير تم بواسطة الشاعر عبد الناصر رجب ; 16-06-25 الساعة 11:12 PM

رد مع اقتباس
قديم 16-02-19, 12:19 AM   #2


الصورة الرمزية الملاك
الملاك غير متواجد حالياً

بيانات اضافيه [ + ]
 رقم العضوية : 1728
 تاريخ التسجيل :  Nov 2015
 أخر زيارة : 16-12-17 (11:57 PM)
 المشاركات : 13,842 [ + ]
 التقييم :  10566
 الدولهـ
Palestine
 الجنس ~
Female
لوني المفضل : Cadetblue
افتراضي رد: ديوان عازف الناى كامل جاهز للطبع تحيه منى للمنتدى



ديوان رااائع
مميز بالحروف الشفافه
ابداااع تعودت على قراءه واتامل
في معانيه الجميله
سلم مدادك وصح لسانك
تحياتي لروحك


 


رد مع اقتباس
قديم 16-02-19, 12:24 AM   #3
صاحب السيادة


الصورة الرمزية صاحب الحبر الأسود
صاحب الحبر الأسود غير متواجد حالياً

بيانات اضافيه [ + ]
 رقم العضوية : 1449
 تاريخ التسجيل :  Nov 2013
 أخر زيارة : 17-09-30 (10:23 PM)
 المشاركات : 8,411 [ + ]
 التقييم :  8429
 الدولهـ
Iraq
 الجنس ~
Male
لوني المفضل : Cadetblue
افتراضي رد: ديوان عازف الناى كامل جاهز للطبع تحيه منى للمنتدى



الشاعر عبد الناصر

متابعين معك

لهذا العزف الرائع


تشرفت بالحضور والقراءة

.
.
قيصر جارالله


 


رد مع اقتباس
قديم 16-02-19, 05:04 PM   #4


الصورة الرمزية متــــيم
متــــيم غير متواجد حالياً

بيانات اضافيه [ + ]
 رقم العضوية : 1385
 تاريخ التسجيل :  Mar 2015
 أخر زيارة : 17-03-21 (02:28 PM)
 المشاركات : 1,501 [ + ]
 التقييم :  1250
لوني المفضل : Cadetblue
افتراضي رد: ديوان عازف الناى كامل جاهز للطبع تحيه منى للمنتدى



سلمت ع الطرح اخي عبدالناصر

وديوان يستحق الثناء والأعجاب

لاهنت اخي القدير


 
 توقيع :



رد مع اقتباس
قديم 16-02-19, 07:46 PM   #5


الصورة الرمزية الشاعر عبد الناصر رجب
الشاعر عبد الناصر رجب غير متواجد حالياً

بيانات اضافيه [ + ]
 رقم العضوية : 453
 تاريخ التسجيل :  Sep 2013
 أخر زيارة : 16-09-12 (10:50 PM)
 المشاركات : 41 [ + ]
 التقييم :  1652
 الدولهـ
Egypt
 الجنس ~
Male
لوني المفضل : Aqua
افتراضي رد: ديوان عازف الناى كامل جاهز للطبع تحيه منى للمنتدى



شرفنى تواجدكم إخوتى المحبين وقامة الأدب فى العالم العربى تقبلوا فائق احترامى


 


رد مع اقتباس
قديم 16-02-24, 09:26 PM   #6


الصورة الرمزية عراقي
عراقي غير متواجد حالياً

بيانات اضافيه [ + ]
 رقم العضوية : 741
 تاريخ التسجيل :  Feb 2014
 أخر زيارة : 17-02-28 (10:50 PM)
 المشاركات : 2,715 [ + ]
 التقييم :  37225
 الدولهـ
Iraq
 الجنس ~
Male
لوني المفضل : Cadetblue
افتراضي رد: ديوان عازف الناى كامل جاهز للطبع تحيه منى للمنتدى



كلام جميل وراقي وقلم في منتهى الرقي والابداع
عرااابهجتااااقي


 
 توقيع :



شكرا لك احمد الحلو


رد مع اقتباس
قديم 16-07-05, 08:31 AM   #7


الصورة الرمزية مشاعر لحبيبي
مشاعر لحبيبي غير متواجد حالياً

بيانات اضافيه [ + ]
 رقم العضوية : 1893
 تاريخ التسجيل :  Jul 2016
 أخر زيارة : 17-01-25 (10:21 AM)
 المشاركات : 1,226 [ + ]
 التقييم :  351
 الدولهـ
Iraq
 MMS ~
MMS ~
 SMS ~
لوني المفضل : Cadetblue
افتراضي رد: ديوان عازف الناى كامل جاهز للطبع تحيه منى للمنتدى





صباحك عطر
كلمات تعبق بالحب والجمال
وحروف صاغتها أناملك الرقيقة
من الدرر والمرجان
معزوفة رائعة ترنمنا بلحنها
داعبت أوتارقلوبنا
تراقص على أنغامها نبضنا
دمت بكل الحب والخيروالجمال



 
 توقيع :


رد مع اقتباس
قديم 17-03-04, 04:07 PM   #8


الصورة الرمزية المُورسّكي
المُورسّكي غير متواجد حالياً

بيانات اضافيه [ + ]
 رقم العضوية : 1909
 تاريخ التسجيل :  Aug 2016
 أخر زيارة : 17-05-12 (05:27 PM)
 المشاركات : 3,483 [ + ]
 التقييم :  3600
 الدولهـ
Palestine
 MMS ~
MMS ~
لوني المفضل : Cadetblue
افتراضي رد: ديوان عازف الناى كامل جاهز للطبع تحيه منى للمنتدى



تقبل مروري


 


رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مَوسوعَة كَآمِلَة عَنْ آلطبْ آلنَبويّ وَآلطبْ آلبَديلــْ !! الملاك أمراء الصحة والأسرة وذوي الإحتياجات الخاصة 10 16-02-18 05:04 AM
عازف الناى الشاعر عبد الناصر رجب بوح الوتين 4 15-06-09 06:33 PM
لامراء الهمس ارق تحيه حرف هادئ مطر جديد يهطل على أرواحنا 33 14-10-16 02:09 PM
بولت جاهز لحصد الذهب في بطولة العالم لألعاب القوى وسط غياب بعض النجوم السـامـر مطبخ الهمس و الذ الاكلات 3 13-08-28 04:05 PM




Powered by vBulletin® Copyright ©2000 - 2017, Jelsoft Enterprises Ltd. D3m-fny
هذا الموقع يتسخدم منتجات Weblanca.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2017 DragonByte Technologies Ltd.

a.d - i.s.s.w

vEhdaa 1.1 by NLP ©2009